Ei! Son superpeixiño!
O superhéroe que chega o teu cole para ensinar a todas as nenas e nenos que O PEIXE MOLA!
Que é A LA DE TRES?
É unha iniciativa desenvolta no marco do proxecto Superpeixiño por OPROMAR (OPP-08), Organización de Produtores de Pesca do Porto e Ría de Marín, co obxectivo xeral de fomentar o consumo de peixe desde a infancia.
A partir do personaxe Superpeixiño, Opromar busca achegarse o público infantil dunha maneira atractiva e amable para divulgar o consumo de peixe entre os máis pequenos.
A regra do tres. Tres en raia. No hai dous sen tres… Está claro que as cousas, de tres en tres, son mellores. Por iso nace A la de 3!, unha iniciativa para comer peixe tres veces por semana e convertilo nun hábito saudable e sostible!
Consumir peixe tres veces a semana é un hábito moi pero que moi saudable e enriquecedor. Favorece o desenvolvemento intelectual, aumenta as defensas e prevén enfermidades.
Ei! estás no meu equipo?
Busco grumetes que coman peixe tres veces á semana!
Na casa comedes peixe tres veces á semana?
A iniciativa A LA DE TRES! de OPROMAR vaino conseguir, prometido! Porque o meu obxectivo é convencer do SANO, SOSTIBLE e SABOROSO que é o peixe que cociñan no cole, pero tamén na casa.
Súmate e comparte nas redes sociais de Superpeixiño as túas receitas!
Seguídeme!
Lucía Freitas
Agora compartirei deliciosas receitas da man de Lucía Freitas, cociñeira recoñecida con Estrela Michelín.
Fish and leeks
Ingredientes:
- Pescada
- Salsa de coco: 1 porro gordo, 1/4 dente de allo, 300 ml de leite de coco.
- Masa de tempura: 100 gr fariña, 40 gr maicena, 5 gr fermento en po (Royal), 200 gr auga xelada con dous xeos e 5 gr de sal.
Elaboración:
Facer a mezcla da masa de tempura e deixar agardar en cámara 20 minutos. Cortar o porro finamente, pasar por maicena coa axuda dun coador e fritir en abundante aceite entre 180 e 200 grados.
Deslomar a pescada retirando a ventresca e facer supremas de dous dedos de anchura. Pasar os anacos de pescada por Maicena e retirar o sobrante cuns pequenos golpes. Somerxer na masa de tempura e fritir. Retirar cando esté crocante e poñer sobre papel absorbente.
Fritir o porro co allo picado todo fino. Incorporar o leite de coco e deixar cocer a lume baixo 20 min. Pasado o tempo afinar de sal e triturar. Se quixese a salsa máis gorda podería engadir unha pataca picada ó comezo xunto cos porros.
Tortilla aberta de cabala, queixo do país e tomate seco
Ingredientes ( 1 persona):
- 25 gr de zorza de cabala
- Ovo
- 1/2 tomate seco
- 30 gr queixo do país
Para o adobo: allo, aceite, sal, pemento doce en po e ourego.
Elaboración:
Deslomar o peixe e sacar a cutícula tirando firmemente dela. Cortar os lombos en tiras finas e adobar con allo finamente picado, pemento doce en po, aceite e ourego.
Poñer un pouco aceite nunha tixola pequena, bater un ovo e votalo na tixola coma se fose tortilla. Dispoñer unhas láminas de peixe, dados de queixo Arzúa Ulloa y anacos de tomate seco (previamente hidratado) encima da tortilla ainda non callada na tixola. Deixar que cociñe o ovo e servir como se fose unha pizza.
Popietas de rapante, tallarines de lentella vermella e falsa carbonara
Ingredientes:
- 4 rapantes (1 por neno/a)
- 125 gr touciño entrefebrado afumado ou guanchiale
- 30 gr de cebola finamente picada
- 20 ml nata
- 80gr pasta de lentella vermella por neno/a
- 4 xemas de ovo
- 3 febras de azafrán
- 60 gr queixo Galmesano
- C/s sal e pementa
- Flores de tagete, crisantemos ou capuchinas
Elaboración:
Deslomar o rapante en catro lombos e enrolalos coa pel cara á fora axudándonos cun escarvadentes. Reservar. Cocer durante 7 minutos en abundante auga con sal a pasta de lentella vermella. Coar e reservar nunha pequena parte de auga da cocción. Caramelizar a cebola e o touciño cun pequeno chorro de aceite de oliva. Incorporar a nata; no primeiro fervor incorporar o queixo Galmesano relado e a agua da cocción da pasta, o azafrán, sal e pementa. Cocer tres minutos e introducir os roliños de peixe 4 min para cocelos. Retirarlos e, fora do lume, incorporar as xemas e a pasta xa cocida. Engadir unhas cenorias cocidas e algunha flor de tagete.
A LA DE TRES
É unha iniciativa de OPROMAR (OPP-08), Organización de Produtores de Pesca do Porto e Ría de Marín.
Acción enmarcada no PPeC 2023 de OPROMAR, coa financiación do MAPA e o FEMPA.
